Ano ang iyong masasabi tungkol sa bawat larawan na may kinalaman sa sinaunang kasuotan ng mga Pilipino bago ang pananakop ng mga Kastila?

Question

GreatGatsby · Answer

Ang apat na larawan sa itaas ay nagpapakita na may sariling kultura ng pananamit ang bawat rehiyon. Sa pagdaan ng panahon, naiimpluwensyahan ng isa't-isa ang pananamit ng  iba at maaring nahahaluan pa nga ng ibang mga elemento na mula sa ibang bansa dahil sa pakikipagkalakan. Ang pananamit ng sinaunang mga Pilipino ay magara, makulay, at praktikal para sa paraan ng kanilang pamumuhay. Sa unang at pangatlong larawan, makikita natin ang kasuotan ng mga Tagalog at Visayan. Ang kanilang mga kasuotan ay may pagkakatulad marahil sa impluwensya ng mga katutubo sa bawat isa, sa magkakaparehas na mga tanim at hayop na pinagkukunan ng tela, at sa mababang heograpiya ng lugar at pagiging malapit nito sa katubigan.Makikita sa larawan na ang mga kalalakihan ay may maiiksing buhok at nakasuot ng putong sa ulo. Kasama sa kanilang pang-araw-araw na kasuotan ang kanilang sandata na kanilang ginagamit sa pakikipaglaban at pangangaso. Maiksi ngunit maluwang ang kanilang kasuotang pambaba upang madali silang makakilos. Ang kanilang pantaas ay tama lamang ang luwang at maaring mahaba o maiksi ang manggas. May impluwensiya ng Borneo ang kanilang mga kasuotan.Ang mga babae naman ay may mahahabang saya upang maprotektahan ang kanilang katawan. Bagaman mahaba, ito ay may tamang luwang upang sila ay hindi mainitan ng sobra at pwede rin naman itong itaas kung kinakailangan. Ang mga damit nila ay may matingkad na kulay at mayroong mga palamuti sa laylayan. Sila ay marunong mag-ayos ng kanilang buhok.Ang mga katutubo na mga Datu, Rajah, o mga Sultan at ang mga miyembro ng kanilang pamilya ay karaniwan nang may mga palamuting ginto sa kanilang kasuotan. Lalaki at babae ay parehas na may mga alahas na ginto.Sa pang-apat na larawan, makikita na nakasama rito ang larawan ng kasuotan ng mga tiga-bundok ng Cordillera at mga tiga-lambak ng Cagayan. Sila ay nakasuot ng bahag at napapalamutian ang kanilang katawan ng mga tattoo. Ang mga lalaki sa mga rehiyong ito ay mga mandirigma. Ang mga lalaki ay may mahahabang buhok na minsan ay nakatali sa tuktok ng kanilang ulo. Sila rin ay nagsusuot ng mga ginto at metal na palamuti sa katawan. Bagaman wala sa larawan, ang mga babae sa mga rehiyong ito na mabundok o kalambakan ay nagsusuot ng sayang diretso na hindi sobrang haba. Depende sa tribo, sila ay maaring walang suot na pantaas o maaring mayroon suot na pantaas na may iba-ibang haba ang manggas.Sa pangalawang larawan ay makikita ang pakikipagkalakalan ng ating mga ninuno sa ibang mga lahi. Ang ating sinaunang mga ninuno ay dinadayo ng mga kapitbahay natin mula sa Tsina, Borneo, India, at Indonesia. Bukod sa pagkain at gamit, sila ay may delang mga tela at palamuti na atin naman ipinakikipagpalit sa mga ginto, metal, lokal na ani, at iba pa. Dahil dito, ang mga sinaunang kasuotan ng ating mga ninuno ay makikitaan ng ilang elemento ng pagkakatulad sa mga sinaunang mga tao mula sa mga nasabing bansa.

Anti Vuvuzela

Ano Ang Iyong Masasabi Tungkol Sa Bawat Larawan Na May Kinalaman Sa Sinaunang Kasu…

Related Posts